महिला टी–२० विश्वकपको फाइनलमा अस्ट्रेलिया र दक्षिण अफ्रिका भिड्ने
काठमाडौँ । महिला टी–२० विश्वकपको फाइनलमा साबिक विजेता अस्ट्रेलिया र दक्षिण अफ्रिका भिड्ने भएका छन् । फाइनल खेल आइतबार न्युल्याण्ड्समा आयोजना हुनेछ । शुक्रबार भएको दोस्रो सेमिफाइनलमा दक्षिण अफ्रिकाले इंग्ल्याण्डलाई रोमाञ्चक खेलमा ६ रनले हराउँदै फाइनलमा स्थान बनायो । बिहीबार अस्ट्रेलियाले भारतलाई हराउँदै फाइनलमा प्रवेश गरेको थियो ।
दक्षिण अफ्रिकाले निर्धारित २० ओभरमा ४ विकेटको क्षतिमा १६४ रन बनाएको थियो । जवाफी ब्याटिङमा उत्रेको इंग्ल्याण्डले ८ विकेटको क्षतिमा १५८ रनमात्र बनाउन सक्यो । कुनै समय ३ विकेटको क्षतिमा १३२ रनको बलियो स्थितिमा रहेको इंग्ल्याण्डको पारी नाट स्किभर–ब्रन्ट ४० रनमा आउट भएपछि नाटकीयरुपमा पतन भयो ।
त्यसपछि टोलीले २२ बलमा २६ रन बनाउँदै पाँच विकेट गुमाउन पुग्यो । अन्तिम ओभरमा इंग्ल्याण्डलाई जीतका लागि १३ रन चाहिएको थियो । तर, सबनिम इमाइलले इंग्ल्याण्डलाई कप्तान हेदर नाइटलाई ३१ रनमा आउट गर्दै इंग्ल्याण्डलाई रोक्न सफल भएकी थिइन् । दक्षिण अफ्रिका पहिलोपटक कुनै पनि फर्म्याटको विश्वकप फाइनलमा पुगेको पहिलो अवसर हो ।
