केपी ओली कप आजबाट
Advertisements
प्रकाशित: ११ फाल्गुन २०७९ , बिहीबार
काठमाडौँ-केपी ओली कप राष्ट्रिय फुटबल च्याम्पियनसिप प्रतियोगिता आज बिहिबारबाट सुरु हुँदैछ।
एन्फा कम्प्लेक्स सातदोबाटोमा हुने उद्घाटन खेलमा सहिद स्मारक ‘ए’ डिभिजन लिगका दुई प्रतिद्वन्दी नेपाल पुलिस क्लब र सातदोबाटो युथ क्लब भिड्ने छन्। खेल दिउँसो ३ बजे सुरु हुनेछ।
प्रतियोगितामा ‘ए’ डिभिजन क्लबका ७ र एक आयोजक टोली केपी ओली एफसी गरी ८ टिमले प्रतिस्पर्धा गर्ने छन्।
प्रतियोगिताको फाइनल बाहेक सबै खेलहरु एन्फा कम्प्लेक्स सातदोबाटोमा हुनेछ। फाइनल खेल भने दशरथ रंगशालामा हुनेछ।
यस प्रतियोगिताको विजेता टोलीले उपाधिसहित १० लाख रुपैयाँ नगद तथा उपविजेताले ५ लाख रुपैयाँ नगद प्राप्त गर्नेछन्। खेल फागुन १७ गतेसम्म सञ्चालन हुनेछ।
