मातृभाषामा सपथ लिने सांसदले संसद सचिवालयलाई जानकारी गराउनु पर्ने
प्रकाशित; सोमबार, पौष ४, २०७९
काठमाडौँ । मातृभाषामा सपथ लिने सांसदले ३ दिनअघि नै संसद सचिवालयलाई जानकारी गराउनु पर्ने भएको छ ।
७ पुस १ बजे सपथ ग्रहणको कार्यक्रम तोकिएकोले सांसदहरुले आजै संसद सचिवालयलाई आफूले मातृ भाषामा सपथ लिन लागेको हो भने सो को जानकारी गराउनु पर्ने छ । प्रतिनिधिसभामा नवनिर्वाचित सांसदहरु मध्ये सबैभन्दा जेष्ठ सांसले राष्ट्रपतिसँग र ती जेष्ठ सांसदले अन्य सबै सांसदलाई सपथ ग्रहण गराउनु पर्ने व्यवस्था छ ।
राष्ट्रपतिले पुस १० गतेसम्ममा नयाँ सरकार गठनका लागि आह्वान गरिसकेकोले त्यसअघि नै सांसदहरुको सपथ ग्रहण गराइसक्नुपर्ने छ ।