प्रधानमन्त्री थ्री नेसन्स कप : घरेलु टोली नेपालले जित्यो उपाधि

Advertisements
MAHABAI RURAL MUNICIPALITY

प्रधानमन्त्री थ्री नेशन्स कपको उपाधि नेपालले जितेको छ । दशरथ रंगशालामा भर्खरै सकिएको फाइनल खेलमा लाओसलाई २–१ गोलअन्तरले पराजित गर्दै आयोजक नेपालले प्रधानमन्त्री थ्री नेशन्स कपको उपाधि उचालेको हो ।

नेपाललाई उपाधि दिलाउन मनीष डाँगी र आयुष घलानले गोल गरे । मनीषले ८९औँ मिनेटमा आकर्षक फिनिसिङ गर्दै नेपाललाई जिततर्फ उन्मुख गराएका थिए ।

पहिलो हाफमा दुवै टिमले एक–एक गोल गरेका थिए । खेलको १७औं मिनेटमा लाओसले सुरुवाती गोल गर्दै अग्रता बनाएको थियो । त्यसको ७ मिनेटपछि आयुस घलानले एक गोल गर्दै नेपाललाई बराबरीमा पुर्याएका थिए ।

पहिलो हाफको तुलनामा नेपालले दोस्रो हाफमा उत्कृष्ट खेल प्रदर्शन गर्यो ।
दोस्रो हाफमा लाओसविरुद्ध लगातार आक्रमण बुनिरहेको नेपालका लागि  मनीषले गोल गर्नुअघि पनि निकै आक्रमक खेल प्रस्तु गरेका थिए । उनले दायाँ विङबाट आफ्नो पेशको प्रयोग गर्दै सुन्दर बलहरू क्रस गरेका थिए ।

नेपालले दोस्रो हाफमा एकपछि अर्को आक्रमण गरेको थियो । निशन खड्काले ६९औँ मिनेटमा प्रहार गरेको फ्रिकिक क्रसबारमा लागेर फर्किएको थियो ।

खेलको ५४औँ र ६१औँ मिनेटमा नेपालले गोलका दुई सुन्दर अवसर गुमाएको थियो । दुवै अवसरमा मनीषको क्रसलाई आयुष घलानले बललाई जाली चुमाउन सकेनन् ।

तीन राष्ट्र सम्मिलित प्रतियोगिताको पहलो खेलमा नेपालले लाओसलाई २–० ले पराजित गरेको थियो । दोस्रो खेलमा नेपालले भुटानसँग १–१ को बराबरी खेलेको थियो ।

Leave a Reply

Your email address will not be published. Required fields are marked *